2011: Premios Cesar: Mellor actor (Omar Sy). 9 nominacións, incluíndo mellor película 2011: Festival de San Sebastián: Sección oficial non competitiva - Clausura 2011: Festival de Tokyo: Mellor película, mellor actor (François Cluzet & Omar Sy) 2011: Nomeada Premios David de Donatello: Mellor película da Unión Europea
Philippe, un aristócrata que se quedou tetrapléxico a causa dun accidente de parapente, contrata como coidador a domicilio a Driss, un inmigrante dun barrio marxinal recén saído do cárcere. Aínda que, á primeira vista, non parece a persoa máis indicada, os dous rematan logrando que convivan Vivaldi e Earth Wind and Fire, a elocuencia e a hilaridade, os traxes de etiqueta e o chándal. Dous mundos enfrontados que, pouco a pouco, conxenían ata forxar unha amizade tan disparatada, divertida e sólida como inesperada, unha relación única na súa especie da que saltan faíscas.
«Quizais cambien as cousas». Máis alá da súa idealización cinematográfica como fábula inspirada en feitos reais, a historia que presentan Eric Toledano e Olivier Nakache triunfa pola naturalidade do seu discurso. Os cineastas conseguen emocionar sen abusar do lacrimal do respectable mediante forzadas incisións na dor do rico atado á cadeira de rodas nin na situación social do inmigrante negro de barriada marxinal; e pola parte cómica, as andanzas da parella improbable pero certa arrancan gargalladas nacidas do que realmente importa aquí: a esencia humana de cada un, a que permite superar barreiras e mirar máis alá do que temos diante. Cen nove minutos machucando clixés con total tranquilidade.
No hay comentarios:
Publicar un comentario